والله الاولاد دول كائنات عجيبه

حقيقـي.. الولاد دول حاجة صعبة مش ممكن أبداً.. ح تعرفـوا ليه دلوقتـي


لو عاملتيه حلو يقولوك واقعة فى هوايا
وان معبرتيهوش يقول عليكي مغرورة ومناخيرك في السما

لو لبستي حلو واتشيّكتي يقول بتعمل كده عشان تلفت نظري ليها
ولو انتي عمليّة شوية يقول عليكي فلاّحة

لو اتناقشتي معاه هيقول عليكي عنيدة
ولو سكتّي هيقول عليكي مخك فاضي

لو انتي أذكى منه هيدّيكي الوش الخشب
ويا سلام لو هوّ اذكى منك.. هتتفرّجي

لو مش بتحبيبه هيحاول يتملّكك
ولو انتي بتحبيه وكنتي عبيطة وبيّنتى حبك ليه بسرعة هيحاول يسيبك

لو قلتيله على مشاكلك هيقول عليكي مزعجة
ولو مقولتيش هيقول انك مش بتثقي فيه

لو حاولتي تنصحيه هيقول عليكي عايزة تتحكمي فيه
ولو هو اداكي أمر (قصدي نصيحة ) ده لانّه بيخاف عليكي

لو حصل ووعدتيه بحاجة ومعملتيهاش هتبقي مش موضع ثقة
اما هوّ لو خلف وعده فده غصب عنه.. اضطر

لو انتي حليتي حلو فى الامتحانات يقولك ده حظ
اما هو لو حل حلو يقولك ذكـاء

لو جرحتيه تبقى قاسية ومعندكيش قلب
اما لو جرحك فيقولك انتي حساسة اوي ومكبرة الموضوع وهوّ مايستاهلش؟؟


بدووووووووووووووووووووووووون زعل بس فى رايى دى حقيقة بلاش تنكروا بقى خلااااااااااص
_________________

ياه انا حاسس انك بتكرهي الولاد بكل صفاتهم ... عايز اقول ان بدون الرجالة كان مفيش رؤساء و كان مفيش جواز للبنات و كان مفيش حياه من اصلة عشان بدون رجالة مفيش عيال

ايوه بس ده لايمنع ان كلكو الا من رحم ربى رافعين راسكو لفوق ومش بيعجبكو اى شئ يجى من البناويت

ياعم سيبك منها دى شكلها جالها حاله نفسيه من اللى اتقال عليهم

وعموما يا اخت ندى اللى انتى كتباه ده غلط ومش كل الشباب كده سورى فى الكلمه دول الشباب التنكين بس


ورخامه اكتر بقى الموضوع ده اى كلام ملهوز لازمه يعنى ولسه مستواكو صفر فى الاسكور



ومع ذلك وبكل روح رياضيه هقولك

ميرسى على الموضوع وعلى تعبك




ها ها ها بهزر متزعليش الموضوع جميل

قال يعني احنا إلي مناخيرنا في السما انت تلاقي البت من دول ماشيا ورقبتا هتتعوج ون رفعة راسها
وبعدين عنوان الموضوع مش عاجبني الكائنات لا حول ولا قوة إلا بالله وكأنهم يعني همة العدلين والمسويين وكويسيين يلا يا اخت روحي العبي في التينة