تم فتح باب الإشراف

بسم الله الرحمن الرحيم

أعزائي أعضاء منتدى ZEEZOOEGY نود أن نحيط سيادتكم علماً بأنه تم فتح باب الإشراف على الأقسام بالمنتدى فنود من من يرغب في الإشتراك ضمن جماعة المشرفين ويرى نفسة أهباً لذالك أن يرسل رسالة إلي الإدارة تحتوي طلبه للترشيح وشكراً .

ملحوظة : الإشراف تكليف وليس تشريف .

مع تحيات إدارة المنتدى ,,,,,,

لو سمحت يا احمد وضح لنا الاشراف يعنى ايه وكده

الإشراف يعني إنك تديري قسم معين تخصصه الإدارة وشكرا





،،،،،،،مع تحيات الإدارة

السلام عليكم ازيكوا يا شباب انا عايزة ارشح نفسي لادارة القسم الديني لاني شايفه نفي اهل لذلك والله المستعان

إنشاء الله هناخد طلبك بعين الإعتبار بس لازم عدد المشاركات يكون 100 وما فوق علشان تكوني مشرفة أو إنك تجيبي أعضاء بس بإذن الله المنتدى الديني هيكون من نصيبك بعد إتمام ال100 مشاركة وشكراً لتبرعك إنك تكوني مشرفة .

حياك الله

ياميدو انا مشاركاتي عدت 100 عايزة ابقا مشرفه بقا علي القسم الديني ربنا يخليك

طيب كملي جميع بياناتك و

انشاء الله سيتم مناقشة الطلب مع اعضاء الإدارة وفي القريب العاجل سيتم الرد عليكي






،،،،،،،،،مع تحيات الإدارة

حاااااااااااااااااااااضر بس كده من عنيا

انا دلوقتى مشاراكاتى عدت 200 مشاركة
مش 100
عايز اشرف على القسم الدينى
انا حاطط اغلب مواضيعى فية
ممكن ابقى انا المشرف علية
ولا فى إحراج للأدارة
ممكن ابقى انا مع نور شاد أغلو
اعتقد هتوافق
انا عندى افكار كتير
بس مستنى رد الادارة بالنسبة لاشرافى على القسم
ممكن اغير الشكل بتاعة
ويبقى منظم اكتر من كدة
بس امسك اشرافة
وتشوف هعمل فية اية
ومفيش مشكلة لو مسكتة انا و نور شاد أغلو





عمرو

انا مشاركاتيي عدت 200 ولسا مخدتش اشراف مع العلم بان حسام قال لي بس تكملي 100 تاخدي الاشراف وكملت كل بياناتي ولسا مخدتش اشراف مع العلم بان انا اول واحده مقدمه طلب فياريت لو مش عايزيني اشرف او شايفين ان انا مش اهل للقسم الديني اوك مفيش ادني مشكله وشكرا

ان شاء الله القسم الدينى هيبقى تحت اشرافنا احنا الاثنين
بس ياريت الاجراءات تبقى اسرع من كدة
الكلام ليك يا حسام
انا داخل على 300 مشاركة

واضح ياعمرو ان لاحياة لمن تنادي بصراحه انا دمي محروق

أنا بعتزر جداً يا جماعة على التقصير إلي حصل في المنتدى بس والله كان في مشاغل كتير وأولها الدراسة علشان إحنى بدأنا من مدة فالإمتحانات قربت وبالنسبة لللإشراف فأنا كان هدفي من التأخير دخول أعضاء في المنتدى الأول لأنوز لوخلتكو مشرفين أمال الأعضاء يروحو فين هيبقى المنتدى مفهوش غير مشرفين وهيبقى مش حلو لأن كل مشرف مشلاقي إلي يشرف عليه من الأعضاء أما دلوقتي فالأعضاء زادو شوية والحمد لله وأنا بعمل دعايا كتييير للمنتدى لعل وعسى ربنا يفتح علينا وبعدين يريت يا جماعة تساعدونا في النهوض بالمنتدى لأنكم إنتو الأقدم وإنتو الكبار في المنتدى يعني لو جي أعضاء تاني هيبقى ليكو معاملة خاصة لوحديكو لأنكم إنتو سعتها إلي هتبقو قمتو بالمنتدى يعني بمعنا أصح هيبقى ليكو الحلاوة أما بالنسبة للإشراف فأعزرني يا عاشق الفردوس ومتزعلش مني بس بإمانة نور فعلاً هيا إلي رشحت نفسها الأول بس أنا كنت مشغول عن المنتدى فقلتلها أوعدك إن القسم هيبقى من نصيبك فأنا مقدرش أتنازل عن وعدي ومتفتكرش علشان زملكاوي وكده هههههههه ها حاكم أنا عرفك , انت يا برنس على رسنا من فوق بس للأسف مينفعش 2 يشرفو على قسم واحد وإلي سبق أكل النبق وأتمنى إنكو متزعلوش مني وأنا أسف جداً وبعتزر إعتزار شديد وأتمنى إنكو تسمحوني وإنشاء الله الرد على الأعضاء هيكون أسرع من كده بإذن الله .