shikaaa مشرف
عدد الرسائل : 1860 العمر : 35 العمل/الترفيه : برتاح أوى لما اشوف البحر وأحكيلة على اللى تاعبنى الجنسية : هوايتي : الأوسمة : التقيد بالقوانين : دعاء المنتدى : رسالتي : إذا أردت شيئا بشدة فأطلق سراحة..فإن عاد فهو ملك لك..وإن لم يعد فهو لم يكن لك من البداية تاريخ التسجيل : 06/10/2008
| موضوع: ...كل يوم... الثلاثاء نوفمبر 25, 2008 9:47 am | |
| اولا :الموضوع دة من واقع بيحصل لمعظمنا يعنى الموضوع هتلاقوة طبيعى جدا ومفيهوش أفتكاسات ثانيا:أتمنى انكوا تقروا الموضوع كاملا لأنة بجد حاجة حقيقية ثالثا:أتمنى اشوف ردود جميلة على الموضوع اللى من وجهة نظرى إنة" أكتر من رائع " كل يوم كل يوم بناكل...الاكل طبعا ده حق طبيعي لاي حد بس عندنا مش طبيعي اوووي المنظر فعلا مؤلم.....لما نشوف الناس واقفة في طوابير العيش(الخبز) بتضرب وتزق في بعض عشان تاكل عيش.....دي مش لحمة.....مهي اكيد لو لحمة مكنوش هيعملوا كده عشان مش معاهم تمنها.....وده طبعا بيحصل كل يوم
كل يوم بنركب مواصلات عشان نروح الكلية او الشغل ومن الكليه للبيت ومن البيت للكورس وهكذا..... ومن الظواهر المصريه التي لا مثيل لها......ان سواقين الميني باس الاخضر بيشتغلو علي الميني باس عباسية رمسييييس رمسييييييس.....وغيره...... يعني مش بيتبعوا خط السير اللي مفروض عليه. غير كده بقي لازم الميني باس يتملي لحد لما الناس تتطلع من الشبابيك وادخل يابيه عدي جوا يا انسه.....فاضي جوا اهو....وطبعا لازم تلاقي علي السلمة الاخيره اربع او خمس اشخاص.....نص الجسم جوا الميني باس والنص بيجرب لو بقي طيارة هيحصل ايه؟؟؟؟؟بس لازم يركب مهو لو استني الميني باس اللي بعدو يا إما هيستي ساعة ياإما هيجي زحمة وبردو يركب علي السلم طيب مهو كان من الاول.والمشكلة الاكبر بقي لما تاخد قرار انك لازم تنزل وتقول الحمد لله وصلت تفضل في صراعات زات اليمين وذات اليسار وعديني لو سمحت ....بعد اذنك...عايزه انزل من فضلك وهكذا لحد لما توصل علي الباب يكون عدا المكان اللي عايز تنزل فيه بمحطتين علي الاقل وارجع بقي موترجيل..... تقول خلاص هركب ميكروباص اصلو لما يتملي هيقفل الباب ومش هتعاني من الزحمة بس ساعتها لازم يبقي عندك قوة اعصاب رهيبة وجرأه كبيرة جدا لانك هتحس انك راكب (ديسكافري في دريم بارك) سرعة رهيبة_ماتنساش تنطق بالشهاده _م انت مش عارف هتنزل منه علي رجليك ولا علي.......ده بالاضافه الي السواقين اللي زي الفل حيث تسمع مالذ وطاب من الشتائم لصاحب العربية الفخمة اللي معدي او لسواق الميكروباص اللي الناحية التانية... قول خلااااااص هركب مترو..اهو اسرع واوفر بجنيه مش بجنبه ونص اصلوا مش بيحتاج بنزبن..اول لما تدخل المحطة تحس ان مصر كلها بتركب مترو الانفاق.....دول غير اللي في الاتوبيسات والميني باصات....مش هما هما علي فكره......مش جايين وراك ولا حاجة....... تلاقي بقي النظرية المتبعة في المترو زق وادخل او نظرية اللي يلحق....منطقي جدا ان عشان الناس تدخل عربية المترو لازم الناس اللي جواها ينزلوا.....يبقي مفروض الناس اللي جوا تنزل وبعدين اللي عايز يركب يبقي يركب......مفيش الكلام ده خالص.......زق وادخل....وبردو مش هتعرف تخرج وباب المترو هيقفل وهتنزل المحطه اللي بعديها وترجع تاني..... اقولك اركب تاكسي......تيجي عشان توقف تاكسي فاضي...متلاقيش وكأن كل الناس بقت تركب تكاسي.....غير انك محتاج ميزانية تانية....ده البنزين غلي يا انسة....ده ميرضيش ربنا.....عايز 3 جنيه كمان.....ده في حاله انه رضي يقف اصلا من الاول......مهو لازم يختار المكان اللي عايز يروحو يعني مفروض توقف التاكسي وتسال السواق انت عايز تروح فين يا فندم مهو مش انت اللي هتقرر...
سبنا من المواصلات وامشي بقي ده حتي المشي رياضة لو بنت هتلاقي كل خير...تبقي ماشية في امان الله وتلاقي واحد متعرفيهوش قرب منك ويقولك"ازيك عاملة ايه" فانتي تبصيلوا وتبقي عايزه تقوليلو انت عبيط ولا ايه....بس طبعا عيب تردي......امشي وانتي ساكته . وده طبعا لو شاب صغير الانيل بقي لما تلاقي راجل اد جدك راكب عربية غالبا بتبقي مرسيدس ويجي جنبك ويبطء ده واحد حقير وطبعا مش هتردي.لو واحد بقي معدي وراكب موتسكل لازم يعمل استعرضات ادامك ويجيلك يمين وشمال ويبقي هيخبطك......ربنا يهدي غير بقي الاطفال المتشردين خاصة في عباس العقاد ومكرم عبيد....االلي بيلزقوا ويمسكو ايدك عايز اكول....جعان......وياسلام بقي لو انت ماسك حاجه في ايدك شكولاتة مثلا...يقولك علي طول هات حتة.... لو ولد بقي مش هتقدر تغمض عنيك ....البنات بقت فعلا فوق الفظيع وتحت المريب يعني الحجاب مع الجيب علي الركبة وياسلام بقي علي البنطلون البرمود م انتي لازم تبقي شيك بس اهم حاجه تبقي محجبة عشان ده فرض اه اومال ايه..... في الكلية بقي لما تقرر تحضر تلاقي المحاضرات 8 او 9 ساعات متواصل.....من 8 م 10 ومن 10 ل 2 ومن 2 ل 4 مفيش ريست بس بصراحة احيانا بيبقي في دكاترة طيبة اوي ويسبلك عشر دقايق مفروض تقوم وتخرج من المدرج مع الزحام الشديد وتوصل لاقرب مكان تجيب حاجه تاكلها وتروح المسجد تصلي ظهر وعصر ومتنساش تروح تشتري الكتاب عشان لما تخلص الساعه اربعه هيكونو قفلو ومشيو واهم حاااااااااجة ترجع بعد عشر د قايق......ولو علي المحاضره مقدور عليها هتبقي تنقلها من اي حد وخلاص ان شا الله ما حد فهم بس السكشان بقي يا فالح في غيااااب...... تبقي واقف علي رجليك اربع ساعات في سكشان بيخلص الساعة 12 في الدور الخامس ومفروض تروح سكشان تاني في مبني تاني الساعة 12 بردو......ولو فكرت تطلب 10 دقايق عشان الطريق من المكان للمكان هتلاقي الدكتورة ال......وانا مالي زي مالدكتور اللي كان عندكو قبلي مش عايز يضيع اخر10 دقايق من سكشانه انا كمان مش هضيع اول عشر دقايق من سكشاني......نعمل ايه احنا يعني ده لو راكبين طياره هنتاخر بردو....والحل روحوا للوكيل وجبولي قرار رسمي وانا موافقة وطبعا مووووووت ياااااا........ ولما تحضر بقي المحاضرة مثلا تلاقي الدكتور المبجل داخل باللاب توب والبروجكتور ويعد علي الكرسي عنتر زمانه ويقرا اللي مكتوب لا وكمان ده مش هاين عليه يقف يشوار ده بيمسك ليزر ويشاور بيه وهو قاعد بيتعب الراجل وواحد زي ده بيبقي شايف نفسه جدا واي حد بيحضر لازم يقعد ذي ال.....مفيش صووووووت وطبعا اللي حاضر بيبقي ارفان م نفسه وعايز ينطق بكلمة واقفة في ظوره للي قاعد جنبه غالبا بتبقي........وبردو مش هتفهم حاجة لان عينك بتبقي علي الساعة....... لو دكتور بقي فري كده وابن حلال .....يدخل بقي بالجينز والابتسامة العريضه وباب المدرج مفتوح اللي عايز يدخل ماشي الي عايز يخرج بردو ماشي .....اللي عامل دي جي في اخر المدرج ميضرش واللي بيحبو في بعض بردو في اخر المدرج ماشي....ومع كل الحركة والهيصة دي بردو مش هتفهم حاجة.......يعني لا كده عاجب ولا كده عاجب.....ناس معندهاش........فيها ايه يعني لما يبقي 700 طالب اعدين في مدرج واحد.....فيها ايه يعني؟؟؟؟؟مش عايزين نفهم ليه؟؟؟؟؟ناس عجبية؟؟؟؟؟؟؟؟؟؟؟؟؟
طولت عليكو اوي بس معلش اخر حاجة......في حلقة برنامج صبابا اللي بيجي علي المحور بتقدمه المذيعة ريهام كانت بتتكلم عن حالة الشعب من طبقات مختلفة وفي اخر جزء من الحلقه كانت جايبه زوج وزجته وولدته و7 اطفال عايشين في مركب في النيل بينامو وبيصحو فيه...وفي الشتا بيعملوا خيمة علي المركب عشان يدفو...اكيد دي حالة من الاف الحالات..........اه وكمان كنت عايز اتكلم عن الناس اللي بتبقي عايشة جنب المدافن.......بجد صعب صعب صعب......متخيلييييييييين.........بعد صلاح سالم في مدافن الناس بتبقي قاعدة والاطفال حولهم ......ده بيتهم مكان نومهم وده بردو اخرتهم.....لو كل رجل اعمال ولا كل صاحب عمارة اتبرع بشقة او حت اوضه لحد من الناس دي بجد هتتحل...................
كل يوم كل يوم كل يوم | |
|
عطر الفردوس مشرفة
عدد الرسائل : 1237 العمر : 29 العمل/الترفيه : السفر الجنسية : هوايتي : التقيد بالقوانين : دعاء المنتدى : تاريخ التسجيل : 03/09/2008
| موضوع: رد: ...كل يوم... الثلاثاء نوفمبر 25, 2008 8:57 pm | |
| يااااااااااااااااه بجد انت خلتنى اخد بالى من حجات مكنتش وخده بالى منها تسلممممممم موضوع روووووووعه | |
|
shikaaa مشرف
عدد الرسائل : 1860 العمر : 35 العمل/الترفيه : برتاح أوى لما اشوف البحر وأحكيلة على اللى تاعبنى الجنسية : هوايتي : الأوسمة : التقيد بالقوانين : دعاء المنتدى : رسالتي : إذا أردت شيئا بشدة فأطلق سراحة..فإن عاد فهو ملك لك..وإن لم يعد فهو لم يكن لك من البداية تاريخ التسجيل : 06/10/2008
| موضوع: رد: ...كل يوم... الثلاثاء نوفمبر 25, 2008 10:23 pm | |
| كلنا بيحصل معان الكلام دة بس الشاطر هوة اللى بياخد بالة منها تسلمى للرد وعايز أشوف باقى الردود | |
|