يوميات مصري في الغربة - الحلقة الاولي - اول رمضان في الغربة منقووووووووووول

ليلة اول يوم

مروح من الشغل متأخر كالعادة الشوارع عادية خالص زي كل يوم مفيش ادني فرق بين رمضان و غيروه
جري ايه يا عالم اي حاجة كدة تحسسك ان رمضان بكرة الناس ماشية عادي خالص

عديت من قدام احد المطاعم ذات الشهرة في مصر فوجته قد علق بعض الفوانيس و الزينة علي استحياء و الاغرب ان الناس مستغربة هو عمل كدة ليه
ايه يا جماعة رمضااااااااااان


السحور 12 صباحا

رسيت علي كام كروسوناية و عصير مع كام تمرة كلتهم لوحدي و افتكرت اللمة علي السحور مع ابتسامة حزن و نمت


الفجر حوالي 4:30

صحيت علي المنبه توضأت و صليت الفجر و عدت لانام


5:30 فجرا
تررررررررررررررررررررررررررررررررن
صحيت علي صوت التلفون
الرنة بتاعة البيت في مصر طنشت و حاولت انام تاني هما ساعات بيرنوا عليا في الاوقات الغريبة دي مش مراعيين ابدا فرق التوقيت
تررررررررررررررررررررررررررررررررررن
تررررررررررررررررررررررررررررررررررن
يوه ايه الاصرار في الاتصال ده في ايه
الوووووووو
كل سنة وانت طييييييييييييييييييييييييييييييييييييييييييييييييي يييييب ( ده اختي )
اقفلي التلفون يابت
رمضاااااااااااان كريييييييييييييييييييييييييييم ( لسه برضه فرحانة)
وانت من اهله ( مهو مينفعش انا نايم)

7:30صباحا

استيقظ و اصلي ركعتين البس هدومي انزل اروح الشغل

4:00 عصرا

مروح البيت برضه ولا اكن في رمضان خاااااااااالص يا جماعة فين جو رمضان بتاع مصر
طب اي حد بيبع طرشي ولا شوية عصير
طب فرع زينة كدة علي اي محل
طب اغنية مرحب شهر الصوم بتاعة عبد العزيز محمود
طب اي عايلين بيقولوا حالو يا حالو
حتي اشكال الناس الي ماشية مش مناظر ناس صايمة اساسا
طب حتي اتنين بيتخانقوا عشان معطلين بعض علي القطار ابدا عااااااااااااااادييييييييييييي

6:45 مساء

المغرب اذن قاعد افطر لوحدي اي وجبة من مطعم وخلاص بس فعلا الاكل من غير لمة العيلة ولا ليه لازمة

علي وقت الفطار في مصر

كلمتهم في البيت و سلمت عليهم و عاملين ايه و وحشنا و عاملين ايه اول مرة تفطروا من غيري و كلام من ده
خلصت المكالمة و انا اصلي طول اليوم مقضيه لوحدي و مخنوق و كنت خلاص هعيط و فعلا حسيت بالغربة


8:15 باليل

التراويح
الامام قراء الفاتحة و اول اية من سورة الاسراء و.... الله اكبر
ايه الكلفتة دي مش كدة
المهم قضاها الامام كدة ايتين و اقلب
يا عم الشيخ مش كدة مطولش اه بس مش للدرجادي بس الحمد لله مطلعتش كل المساجد كدة ولقيت واحد كويس وانتظمت معاه

اخر الليل
نوعت النهاردة في السحور بس برضه لوحدي و داخل انام اهو و نلف الدايرة من اول و هكذا كل يوم

تعليق من احد الكتاب

فعلا رمضان هنا ملوش اي طعم مفيش اي فرق بينه و بين اي شهر خالص اللهم الا ان الدوام اقصر بساعتين مفيش كدة روح رمضان الي بتلاقيها و انت ماشي في الشارع في مصر حتي لو نرفذة الناس علي الفاضية و المليانة بحجة انهم صايمين و مفيش روح العيلة و اللمة علي الفطار او السحور بس يمكن لاني قاعد لوحدي و عموما الاجتماعيات هنا ضعيفة جدا و يمكن تكون معدومة و الشارع عادي خالص لان اغلب الي ماشيين مش صايمين اساسا لان التركيبة السكانية هنا ان يمكن اكتر من 80% من السكان مش عرب اساسا فلما تتطرح العرب من غير المسلمين و تضيف المسلمين الاجانب يوصل عدد المسلمين لاقل من النص برضه يعني احنا بنكلم علي مكان اغلبية سكانه من غير المسلمين فالطبيعي متلاقيش رمضان اساسا

و الخلاصة مفيش احلا من رمضان في جو مصر

وكل سنة و انتم طيبين

الجامد
الامارات الهندية المتحدة

منقووووووووووووووووووووووووووووووووووووووووووووووووول
عايزة اشوف الردود

رووووووووووووعه تسلمييييييي

جامده جامده جدا تسلم ايدك يا جميل

هههههههههه حلوة ومشكورة بس مش للدرجادي