فرخة والمحروس الديك بتاعها ...
الفرخة راقدة على البيض وتبدو على وجهها علامات الحزن ..
الفرخة : بقولك ايه ياسبعى ..
السبع..... قصدى الديك : قولى يامو العريف .
الفرخة : ماتيجى نرحل من هنا .
الديك : وايه اللى فرق هنا من هناك ؟؟!
الفرخة : معرفش يالله نمشى وخلاص العمر واحد والرب واحد ..
الديك : والبيض يافالحة ؟ دا قرب يفقس هنسيب العيال دول لمين ؟؟ ولا بتفكرى توديهم ملجأ ؟!
الفرخة : لا ما انت مش عارف ..........
تقوم الفرخة ...وكأن قد أصابها مس من الجنون ...فلقد أخذت فى تكسير البيض هبدا ورزعا بقدميها
يصرخ الديك : عملتى ايه يا مجنونة ؟؟؟
المجنونة : معلش ياسبعى ...انا استحمل اموّت عيالى بإيدى ولا انهم يموتوا بالانفلوانزا...